Hitzez eta Ahotsez ekimenak 10. ekitaldia burutuko du aurten. Ekimenaren ikur bilakatu den irakurraldi girotua maiatzaren 15ean izango da Plateruena Musika Aterpean baina lehenago, apirilaren 16an, Lourdes Irioindori buruzko dokumentala eskainiko da Zugaza zineman. Ostean, zuzendariarekin eta gidoilariarekin solasaldia burutuko da. Antolakuntzako Maripa Garaizabal eta Marisa Barrenarekin hitz egiteko aukera izan dugu aurtengo nobedade guztiak ezagutzeko.