Herri Maite Akordei Taldeak kontzertua eskainiko du larunbatean, arratsaldeko zortziretan, Kurutzesantu Museoan. Bertan arituko diren lehen aldia izango da eta Euskal Jaien barruko kontzertua denez, euskal musika izango dute ardatz. Hala ere, pelikuletako musikari eta nahasketa bitxiei lekua egingo diete. Kontzertuaren zati batzuk irudiz ere lagunduko dutela esan digute taldeko Antonio Núñezek eta Javier Aranzetak.