Dendak Bai elkartea eta Naiz Market azoka alternatiboa elkarlean, saltokiak kalera aterako dira ostiraletik igandera. Naiz Market Andra Mariako elizpean kokatuko da asteburuan eta Dendak Baiko saltokiek euren produktuak kalera atera, tailerrak antolatu edo erosleei oparitxoak emango dizkiete. Naiz Marketen antolakuntzako kidea den Asier Baños durangarrak azokaren izaera alternatiboa nabarmendu du eta elizpea musikaz jantziko dutela aurreratu du. Dendak Baiko Álex Palacios presidenteak lankidetzaren balioa azpimarratu du eta Miren Garrastazu teknikariak elkarteko 33 saltokiren parte hartzea konfirmatu du.